090118-確實的救恩
我每一日甲救主同行,平安祂賞賜我也攏知影,
祂賜我喜樂祂賜平安,信靠我救主至聖君王。
我真正感受主在引導,慈愛甲愛疼祂嘛攏互我,
我確實相信跟隨聖神,建立我信仰倚靠我主。
確實的救恩,耶穌屬我,寶貴的救主,至聖至大,
引導我腳步,聽我祈禱,永與我同在,我主耶穌。
我知主耶穌的確引導,用祂真光照我頭前路站,
我滿心感謝我欲唱歌,盡心盡力服事我的主。
確實的救恩,我欲謳咾,我心所信仰,我主耶穌。
確實的救恩,我欲唱歌,謳咾我救主!
用我生命!謳咾我主,謳咾我主!



下載 : 090118song1.mp3 (2.6 MB)
發表於2009/01/18 11:25 (1335下載)
081214-攏交互耶穌
當烏雲阻礙你的路,當傷心目屎若落雨,當遇到煩惱無快樂,攏交互耶穌,攏交互耶穌。
當暗冥孤單一個人,當聽不到美妙歌聲,當日光出來猶原暗,攏交互耶穌,攏交互耶穌!
祂欲成做你的朋友,欲安慰你互你自由,無別的朋友親像耶穌。
祂是福氣平安歡喜,祂是希望擱有愛疼,祂互咱罪赦重頭生!
當你面對寒冷暗暝,當你心情暗淡無光,當苦難互你真失望,攏交互耶穌,攏交互耶穌。
當你背重擔無幫助,當你心神憂傷煩惱,祂充滿憐憫甲愛疼,攏交互耶穌,攏交互耶穌!
祂欲成做你的朋友,欲安慰你互你自由,無別的朋友親像耶穌。
祂是福氣平安歡喜,祂是希望擱有慈悲,祂互咱罪赦重頭生!
當清早時日光照來,當黑雲與憂傷離開,著獻感恩互咱上帝!攏交互耶穌,攏交互耶穌。
不管是落雨抑出日,祂的疼永遠陪伴你,祂值得咱感恩謳咾!攏交互耶穌,攏交互耶穌。



下載 : 081214song1.mp3 (1.7 MB)
發表於2008/12/14 10:17 (1491下載)
081207-祂讚美的聲無息
通暝通日直到永遠,讚美之聲在宣揚, 聖哉!聖哉!主全能上帝,願祢國臨到。
聖哉!聖哉!願祢國臨到。 聖哉!聖哉!主全能上帝,願祢國臨到。
榮耀和尊貴都歸祂,坐在至高之寶座, 感謝歸祂永遠掌權,祂國攏無窮盡。
聖哉!聖哉!祂永無窮盡! 感謝歸祂永遠掌權,祂國攏無窮盡。
聖哉!聖哉!聖主宰,全能主上帝。 聖哉!聖哉!聖主宰,伊讚美永無息。
權勢、榮耀、尊貴攏歸祢,哦!聖主宰。 通暝通日直到永遠,讚美之聲在宣揚,
聖哉!聖哉!主全能上帝,願祢國臨到。 聖哉!聖哉!願祢國臨到。
聖哉!聖哉!主全能上帝,願祢國臨到。



下載 : 081207song1.mp3 (2.2 MB)
發表於2008/12/07 10:29 (1319下載)
081116-阮感謝主

為著青翠的山谷甲平靜大海,為著春天的百合花甲秋天落葉;
為著太陽甲月娘甲天頂的星,為著美麗甲愛疼充滿宇宙;
阮感謝主,阮感謝主,阮吟詩獻上感謝(感謝)。
為著奇妙恩典甲寶貴的疼,阮出聲吟詩謳咾感謝。

為著阮身邊的人無論大亦小,為著喜樂甲友誼甲溫暖的手;
為著兄弟甲姊妹甲所愛家庭,為著地面上相關懷的朋友;
阮感謝主,阮感謝主,阮吟詩獻上感謝(感謝)。
為著奇妙恩典甲寶貴的疼,阮出聲吟詩謳咾感謝。

為著佇馬槽內睏靜靜的嬰仔,為著佇山野教咱祈禱的彼個人;
為著老師幫助咱去疼甲赦免,為著主的死咱可得永遠活;
阮感謝主,阮感謝主,阮吟詩獻上感謝。
為著奇妙恩典甲寶貴的疼,阮出聲吟詩謳咾感謝。
至聖君王阮謳咾感謝祢。




下載 : 081116song1.mp3 (2.1 MB)
發表於2008/11/16 10:25 (1543下載)
081012-主照顧
雲佇空中飛,人佇地面活,誰人引導誰人照顧,奇妙極其大;
恩典甲慈悲是從祂賞賜,雲飛人活攏是天父細膩在看顧。
(副歌)
祂照顧細隻鳥仔,祂養飼萬百姓;祂賞賜福氣愛疼,咱當全心敬奉,
祂坐佇至高寶座,世人攏當尊崇,祂釘死十字架頂,流寶血洗咱清氣,
祂面容極其威嚴,卻充滿大愛疼,祂疼咱人到按呢,咱當吟詩唱哈利路亞謳咾祂。



下載 : 081012song1.mp3 (2 MB)
發表於2008/10/12 11:04 (1332下載)
080921-上帝的疼
上帝的疼親像海湧,湧入我心,亦湧入你心,
上帝的疼親像白雲,包圍著我,亦包圍著你,
你豈知影,天父疼你,古早現在,永無改變,
你當相信,天父疼你,透早暗暝,永無分離。



下載 : 080921song1.mp3 (1.6 MB)
發表於2008/09/21 10:54 (1398下載)
080817-勇敢來報揚
救主是咱世上的光世人當敬畏,祂行過水面奇妙顯現,咱攏當尊榮,
祂大權能施落恩典拯救眾罪人,祂的憐憫祂的愛疼世代永無息,
向前行毋免驚,救主佇頭前導路,帶著主恩典傳揚主愛疼;
我無驚攏無驚,救主佇頭前導路,靠信心報揚,勇敢來報揚。
主是咱的氣力,主是咱的幫助,勇敢向前傳報主的疼;
我心尊我主作大,我心尊我主作大,我欲盡心報揚。
哈利路亞!哈利路亞!我心尊我主作大,
哈利路亞!哈利路亞!我心尊我主作大,
我心尊我主作大,我欲盡心報揚。



下載 : 080817song1.mp3 (1.8 MB)
發表於2008/08/18 07:33 (1345下載)
080720-我的生命獻互你
我的生命獻互你,我的一生攏屬你,你賜我活命,賜我氣力,我欲專心跟隨你。 我的生命獻互你,我的一生攏屬你,我放棄一切,專心倚靠你,我將一生獻互你。 專心跟隨你,專心倚靠你,你陪伴我一生,我欲盡心服事,不管風雨抑甘苦, 專心跟隨你,專心倚靠你,你賞賜我平安,我欲完全奉獻,用我一生來服事。(重複) 你賞賜我平安,我欲完全奉獻,用我一生來服事。


下載 : 080720song1.mp3 (1.3 MB)
發表於2008/07/27 16:39 (1483下載)
080615-耶和華所定著的日
我欲開嘴我欲謳咾到天光, 因為救主榮光今日就要臨地面, 我心著跳我心歡喜謳咾主, 基督就恩今日就欲臨地上。 恭敬祈禱虔誠敬拜喔!我主上帝, 天下萬邦萬國攏欲舉雙手謳咾; 哈利路亞榮光歸主, 因為今日是耶和華所定著的日。


下載 : 080615song1.mp3 (1.3 MB)
發表於2008/07/05 13:41 (1431下載)
080518-敬拜祂
阮全心在此敬拜上帝,全心全意讚美天頂的父 阮全心在此敬拜上帝,讚美祂榮耀到萬世 我全心敬拜祂, 我舉雙手敬拜祂,我要讚美祂大尊名, 我全心敬拜祂 祂名值得尊崇,我要全心全意讚美祂


下載 : 080518song1.mp3 (1.3 MB)
發表於2008/07/05 13:30 (1524下載)
080420-祂的話
人活著毋是靠食物,乃是靠主所講的話; 心存善良慈悲仁愛,是主所歡喜的子兒。 星辰在震動日光在照人,主對人類永愛疼; 咱心存感恩感謝主上帝,賞賜祂的話互咱。 當咱憂悶傷悲祂保守安慰,獨一真慈悲的父; 咱當用祂的話養飼家己活命,盡心盡意隨主行。 人活著毋是靠食物,乃是靠主所講的話; 心存善良慈悲仁愛,是主所歡喜的子兒。 祂賜真活命祂賜咱道路,祂的旨意會得成; 咱心存感恩感謝主上帝,賞賜祂的話互咱。 祂的話賜氣力祂的話賜勇健,倚靠祂真理攏無驚; 祂的話帶權柄全人類當聽,咱當盡心隨主行。 祂的話帶氣力祂的話帶活命,祂的話有大權柄; 咱當用祂的話養飼家己活命,盡心盡意隨主行。


下載 : 080420song1.mp3 (1.7 MB)
發表於2008/07/05 13:29 (1390下載)
080316-只有主耶穌
經過暗暝救主在保護,天光日出祂亦在照顧, 充滿慈悲甲憐憫,我主我基督。 咱的心神有時會艱苦,世間拯救只有主耶穌, 信祂靠祂認識祂,人生有福氣; 咱的人生需要主導路,經過黑暗祂的確看顧, 豺狼虎豹攏無驚,只有主耶穌。 決志信靠祂,全心仰望祂, 祂是咱的保惠師,導咱行天路; 祂應允保護,祂永遠照顧, 打開心門迎接祂,咱就有幸福。 咱的心神有時會艱苦,世間拯救只有主耶穌, 信祂靠祂認識祂,人生有福氣; 實在咱的人生需要主導路,經過黑暗祂的確看顧, 豺狼虎豹攏無驚,只有主耶穌。 決志信靠祂,全心仰望祂, 祂是咱的保惠師,導咱行天路; 祂應允保護,祂永遠照顧, 打開心門迎接祂,咱就有幸福。 決志信靠祂,全心仰望祂, 祂是咱的保惠師,導咱行天路; 祂應允保護,祂永遠照顧, 打開心門迎接祂,咱就有幸福。


下載 : 080316song1.mp3 (1.7 MB)
發表於2008/07/05 13:27 (1333下載)
080217-和平人君
懇求救主入來我心,有祢引導我攏無驚, 頭前路途坎坷難行,懇求聖神引導帶領。 懇求救主入來我心,有祢引導我攏無驚, 頭前路途坎坷難行,懇求聖神引導帶領。 祢的氣力,充滿全地,恩典與憐憫賞賜真光; 我要讚美祢大權能,世上萬國同心讚美。 懇求救主入來我心,有祢引導我攏無驚, 頭前路途坎坷難行,懇求聖神引導帶領。 祢的拯救,溫柔的聲,引導我照光我頭前的路; 祢的愛疼充滿全地,祢是獨一真和平人君。


下載 : 080217song1.mp3 (2.3 MB)
發表於2008/07/05 13:23 (1267下載)
080120-讚美的歌
唱每首歌 讚美的歌 攏用阮讚美的聲恭敬唱的歌 求你接納阮所獻的詩 阮的讚美 阮的奉獻 阮的祈禱 求你聽 求你開阮的心門 識你真理 阮今將阮的祈禱排列 請教示阮聽你的聲 讚美的聲 是要報揚救主真理乎世人知 求你開阮頭前的路 你真理萬人攏可聽 在每時刻 在各所在 主求你乎阮每一人換新的心 阮可讚美敬拜你 用心的心與新的靈來讚美你 向你祈禱 唱每首歌


下載 : 080120song1.mp3 (1.1 MB)
發表於2008/07/05 13:21 (1343下載)
<<  <  2 3 4 5 6   >  >>